上山下鄉勞動屋

戶主住到山旯旮咁遠，班酒肉朋友都無離棄佢，成日要上戶主屋企圍威喂開 party。為咗呢份兄弟姐妹情誼，花４３萬裝潢完之後又點算貴呢（３７：２０—４６：３５）？

樓盤傳真 2018/09/08 2018/09/08 23:31

今年最大型新盤南豐日出康城 LP6 生不逢時，開售正遇著樓市回調，再加推之承接力受考驗，而新地應變之道，包括將大盤分多期推出，同時低調將部份項目轉售為租。
香港作為全亞洲第三宜居城市，或者本地人不識欣賞，但本港樓市之中尚有吸引外國人移居的單位，而且不一定又大又貴，更正好彌補本地客市場缺口。
今年 7 月 1 日起，買入物業要額外繳付 350 元，作為新成立「物業管理業監管局」的經費，為何物業管理與買賣掛勾？徵費機制是否合理？
爾巒 466 呎兩房單位，打通一間房、半打通廚房，客飯廳有如 600 呎般大，再善用十呎以上樓底解決儲物需要。

男女戶主二人世界，但工作繁忙，放工後需要休閒生活，但所謂「休閒生活」就係「下廚」，睇嚟洗碗洗碟洗鑊抹廚房都唔算攰；煮完好嘢食就梗係要大宴酒肉朋友，所以好地地一間４６６呎的僅僅夠兩房的蝸居，又要左搞右搞要增加空間：

設計師將客房和客廳打通，擴闊客廳空間，又將原來客房的區域變成開放式工作間，工作休閒兩用（左上、右上）；不過咁開揚男戶主就無得睇ＡＶ了。設計師又將客廳地台升高，用作儲物，並一直延伸至主人房；除鞋櫃外，地台設計都需要揭蓋才可以打開，要拎嘢時便要將啲傢俱搬嚟搬去；而且傢俱不能太重太大件，只能放下小飛俠作裝飾（左中、右中）。作為客仔又自稱成日ＯＴ返到屋企好鬼攰的戶主咁都接受到，真係唔話得。飯廳刻意無整地台，以示劃分區域（左下）。另外，由於設計將客房拆去，露出了橫樑，戶主便要在橫樑壓頂之下工作（右下）。

設計師將廚房改成半開放式，將廚房靠飯廳的牆身拆去半截，改為吧枱連飯枱，拓闊空間，可以招呼到更多客人，又可以方便戶主一邊表演廚藝一邊同友人吹水（左上、右上）。廚房內備有焗爐咖啡機等，中慘生活設備一應俱全（左中）。半開放式廚房亦可與客飯廳分隔，只需關上玻璃窗和玻璃門，即可隔絕油煙，而且廚房內係用電爐，不怕一不留神燒炭焗死自己（右中、左下）。由次廁還算企理，便保持原裝交樓標準（右下）。

主人房一入門外接工作平台，變相要逼住保留走廊（左上）；結果就係床的另一邊要做窗台櫃（右上），與及地台要升高兩層來儲物（左下）。不過地台櫃掛唔到衫，所以衣櫃就要搬出廳，放在工作間的後方（右下）。

錦田爾巒４６６呎，戶主６００萬買入，剛好可以做按保，８成按揭上會，即係首期要俾１２０萬。用４３萬去裝潢，裝完仲要好似走難咁將啲枱椅搬嚟搬去打開地台拎嘢，十足十魔術師中小學時的「浮動班」咁，認真係貼錢買難受。