2018年11月26日 星期一

是他也是你和我?

說真的,魔術師對這個「任何仁」真係無乜好感:唔係話佢嘅造型似AV男主角(AV仁?),而係在語法上,「任何人(仁)」這個食字 gag,實在是怪彆扭的。
認真你就輸 「任何仁」吸Like有因

消防處開放Facebook專頁,推出虛擬人物「任何仁」宣揚急救、滅火等信息,隨即紅遍本港網絡。「任何仁」成功惹人注意,原因無他,因為其完完全全切合了現今網絡的傳播模式:「不認真」及易於轉發。
先說「不認真」。當然,這不是說消防處不認真地看待是次的宣傳,而是當局在有意無意地在營造一種「搞事」的氛圍,迎合了網上世界「認真你就輸了」的文化。
正經地惡搞 打破傳統界綫
這點明顯反映在「任何仁」的形象設計上,藍色頭套、全包的緊身衣,加上黑色短褲的造型,可以說是古怪、「騎呢」,或再直接一點:「Hea」。總之,就是上不了大場面。但是,偏偏消防處就是以「任何仁」在記者招待會、眾目睽睽之下示範如何急救、滅火,將「認真你就輸了」的概念發揮到淋漓盡致。
更重要的是,整件事的畫面,就是在一個極為認真的場合,以非常不認真的裝扮,做着一本正經的宣傳。這便不是簡單的「搞事」,而是認真的在「惡搞」,當下就將「嚴肅、認真」Vs.「玩嘢、搞事」的界綫統統打破,完全反轉傳統認知,網民自然是如獲至寶,爭相給Like。
至於易於轉發,這一點則要從「任何仁」的設計理念說起。「任何仁」其實是取「任何人」的諧音,背後是想帶出「任何人都可以救人」的信息。既然「任何仁」可以是「任何人」,可以「是他,也是你和我」,那麼,反過來說,「我」借用「任何仁」的形象和身份,也是順理成章。
是故,當「任何仁」的設計一出,便立即成為二次創作的絕佳素材。如環境局的「大嘥鬼」和香港紅十字會的Facebook帖文,就借用了「任何仁」的藍色公仔形象,分別稱「任何人都可以參與環保活動」及「任何人都可以捐血」。當人人也在二次創作及轉發時,「任何仁」自然成為網絡熱話。
歡迎抽水 成二次創作素材
這裏涉及到在網絡世界「抽水」的常態。網絡文化,大多時候均是嬉笑怒罵,吵吵鬧鬧,主動「抽水」。不過「任何仁」則反其道而行:由於「任何仁」的身份極容易被借用,其實際上擺出來的姿態就是「歡迎大家來抽我水」,願意成為「被抽水」的素材。這樣的情況,網民、Facebook專頁管理員自然喜聞樂見,加入這場「抽水」盛宴。當然,「任何仁」也就成功「求仁得仁」,賺到網絡人氣。
在網絡世代,要宣傳、博人氣,就是要有點劍走偏鋒、離經叛道。可惜的是,港府大部分部門也未夠膽踏出這一步。這次「任何人」其實是作了一次很好的示範,類似的做法會否陸續有來?筆者拭目以待。
撰文 : 周日東 香港教育大學高級研究助理
欄名 : 新香港人

在魔術師的認知裡,「任何人」的意思,就是「所有人」裡面,無需特別指定的其中一個人,例如:「任何人見到罪案發生,應該立刻報警求助。」,又或者「對客戶提出投資建議,需要領有相關牌照,並非任何一個銀行職員都可以勝任的工作。」
(圖片來源:漢典:任何,retrieved on 25 Nov 2018)
(圖片來源:English Oxford Living Dictionaries:anyone,retrieved on 25 Nov 2018)

但係睇返「任何仁」呢段片,帶出嘅安全訊息,受眾似乎係「所有人」至啱:

「所有」的意思,有係全部,是眾數。例如黃C文宣就可以以以下文宣動員:「所有熱愛我城的有為青年,都應該站出來,挺身驅蝗,光復上水/沙田/旺角/屯門/東涌...」。
(圖片來源:漢典:所有,retrieved on 25 Nov 2018)

魔術師不是語文專業,就所見的英文,「所有」多數就靠一個 all 字搞定:all x, all of x, all the x 之類,視乎語境而定。究竟魔術師有無理解錯,昐有識者(例如前同事A,C嬸等)能夠指正:
(圖片來源:English Oxford Living Dictionaries:all,retrieved on 25 Nov 2018)

還有一個比較容易搞混的字詞,就係「每個人」,指眾數裡的個體:
(圖片來源:漢典:每人,retrieved on 25 Nov 2018)
(圖片來源:English Oxford Living Dictionaries:everyone,retrieved on 25 Nov 2018)
(圖片來源:English Oxford Living Dictionaries:every one,retrieved on 25 Nov 2018)

正如前文所講,「任何仁」所帶出的訊息,是講給「所有人」聽;而跟從學習的「師傅」,更不可能是「任何人」,而是受過相關訓練的專業人士。也就是說,訊息的傳播,是無分彼此講給「所有人」知,當「每個人」(梅過仁?)都掌握到相關知識,那就「任何人」都能夠作出行動。所以,拿起滅火筒救火的確可以是「任何人」,但跟住「任何仁」學急救就似乎於理不合了。
當然,如果你話「認真就輸了」,那麼所有討論都會淪為各自表述,凡事得過且過(今人用「Hea」,古人用「差不多先生」來作比喻)。真理,也亦遠無法愈辯愈明(網上無真理?)。

18 則留言:

  1. 果舊藍色物可以係你,可以係我,所以可以係任何人。
    求人求火可以係任何人。
    冇咩問題喎。

    回覆刪除
    回覆
    1. 救人救火可以係任何人,但跟「任何人」學急救就唔得。我自己就算識急救的基本知識,但都未有資格去教人做demo也。

      刪除
    2. 佢地而家HardSell緊部AED救心機,呢部嘢號稱看圖識字,唔使學都用得,但實際上唔配合CPR,部AED基本冇大用,但係都唔會有害,所以佢地叫人點都要拎出嚟玩吓先(雖然CPR救得返嘅機會都係大概一成)

      刪除
    3. 基本上吹和搓是輪流做,不過人手壓心口,又要有力有要夠快仲要唔好大力得濟連病人胸骨都壓斷...都係用機安全啲 XD

      刪除
  2. //但跟住「任何仁」學急救就似乎於理不合了。

    【如果燒著點算好】
    去 party 個個都想盡慶!但潑灑食用粉嚟玩,現場一旦有火種�� 就隨時樂極生悲 ⚠
    跟住任何仁學識呢幾招,救到自己又幫到人!

    呢嗰的確有問題,應該喺由個飛釘任何淫跟消防員學咗先再教大家,任何人唔喺"天賦"有消防知識。
    又,其實叫班白癡唔好玩麵粉仲好啦。

    回覆刪除
    回覆
    1. //任何人唔喺"天賦"有消防知識。

      這就是我的意思。

      //其實叫班白癡唔好玩麵粉仲好啦。

      不是有黃C教C鼓吹「青年人就是要反叛」嗎?

      刪除
  3. 魔術兄分析「任何仁」既用法,查中文字典就可以了,拎嚟同英文比較只會更混亂哈哈。英文啲indefinite pronoun好有多,有anyone/everyone/no one/someone/all等等,而且各有所用,用既語境同語法同中文有啲唔同。

    我覺得任何人即係所有人,任何人都可以學習消防知識,即係所有人都可以,即係每一個人都可以。

    回覆刪除
    回覆
    1. 剛才誤刪 Ryan 留言,現手動補回。

      //我覺得任何人即係所有人
      //拎嚟同英文比較只會更混亂哈哈

      就係因為中文通常用「所有人」,所以我會覺得係「英譯中」才出了個「任何人」的食字 gag 出來。

      //任何人都可以學習消防知識,即係所有人都可以,即係每一個人都可以。

      對學員來說是對的,任何人都可以學,沒有收生門檻;但「跟任何人學...」(藍色人是在做demo)就不對了。

      刪除
    2. 1. 冇人姓「所」
      2. 唔係叫我哋去「示範」,而係「救」,而做「救」係任何人都能去做。
      你會唔會唸過龍?唔係叫你著到藍精靈咁四圍宣傳。

      刪除
    3. //冇人姓「所」

      食唔到字唔係藉口

      //唔係叫我哋去「示範」,而係「救」,而做「救」係任何人都能去做。

      我當然知,但我係在挑語病。

      1. 任何人包括我
      2. 假如「跟任何人學習消防急救知識」是 valid 的話,則「則我學習消防急救知識」也是 valid,但明顯這不是事實。

      刪除
  4. 學下點用個滅火筒同跟住個AE指示救人係消防急救嘅一部份,並唔係全部喎!
    我叫你幫我攞個鑊鏟兜兩兜,你就話自己係主廚囉!

    回覆刪除
  5. 用埋專名號同caps你會唔會接受到?

    “跟「任何人」學習消防急救知識” (呢度underline不能,用引號代住先)。英文:Learn about fire safety and first aid with Anyone."

    真係講語病係冇的... grammar論grammar....

    回覆刪除
    回覆
    1. //用埋專名號同caps你會唔會接受到?

      接受到. 但在此語境, "Anyone" 已是 a particular person, 唔係在人群中 randomly pick 的某個人.

      刪除
  6. 我就無諗得咁複雜,只係睇到“任何仁”即刻巷慘片之王終極版上身,覺得呢條蹻係由一套經典爛片的“千面人”而來:

    性別,唔知;年齡,唔知;體高,唔知;體重,唔知...

    https://youtu.be/tqnwGTM2Wd8?t=2600

    (起碼睇完劫機一段,鍾意可以睇埋落口供一段)

    PS 如果《The Room》可以爛到極致便是cult,咁呢套《小小小警察》絕對係巷慘版《The Room》!當年好多人睇到D晒LM,但後來竟然都話嗒落有味!強烈建議入list---當然如果魔兄班到正版碟,記得通知小弟,小弟都要買返隻! XD

    回覆刪除
    回覆
    1. //係睇到“任何仁”即刻巷慘片之王終極版上身,覺得呢條蹻係由一套經典爛片的“千面人”而來

      D, 你連啲咁嘅戲都睇, 真係服X哂你...

      //強烈建議入list---當然如果魔兄班到正版碟,記得通知小弟,小弟都要買返隻! XD

      已加... 送摩摩一隻又有乜所謂!

      刪除
  7. 魔兄你讀書時都係太乖了 XD 小弟中學時身邊特多諸事八卦的豬朋狗友,around中四中五時套戲上畫無耐已經聽過(唉,又暴露自己年齡),當時有friend話佢親戚睇到中途D晒LM咁離場。跟住唔記得CCTVB定二奶台翻播,當時睇覺得真係超無聊,但又隱隱覺得劇情無謂到咁極致都幾有卓頭(當時並未有cult呢個概念),而且有啲gag位都幾爆,部份對白又好似有啲嘢,再加埋後來幾年免費台又再翻播幾次,有個friend又燒咗隻VCD俾我(不過我唔知塞咗去邊),所以一直都好記得。但可能因為版權問題,極少見到各收費電影台翻播,所以小弟“修煉巷慘片之王課程”其實並唔包括呢套嘢...

    不過“呢啲戲”點都及唔上呢套戲--人地內銷轉出口添呀:

    https://wmoov.com/movie/details/42884

    http://www.thinkhk.com/article/2018-11/27/31320.html

    回覆刪除
    回覆
    1. //魔兄你讀書時都係太乖了

      當年屯門區真係無乜戲院: 域多利執笠, 巴倫紐同凱都太up dup,新城只播日活院線, 唯有屯門戲院係比較 accessible, 所以睇戲並唔係我平時會做的事.

      //人地內銷轉出口添呀
      //最主要原因,乃這種「《十年》化」的拍法,跟日本片的過往強項

      暈...應該只係戲名玩抽水吧?

      刪除