蝗資錢莊轉數慢

在《魔術師資產配置（２０１８年１１月）》一文中，話說魔術師早已在美帝銀行戶口內準備好款項入貨，點知上個星期個市反彈了千幾點，資金又用唔着了，結果就要調返去設於創傷銀行的 Mortgage Link 戶口；但係魔術師公司附近並無創傷銀行分行供入票，咁點算好呢？用轉數快過戶得唔得呢？以往創傷銀行經 CHATS 入數係要收５０個我城大洋的，依家有轉數快應該可免手續費喇卦！
好，登入創傷的網上銀行睇下。細行果然就係細行，只支援手機號碼與及電郵入賬，卻不支援支付系統識別碼（FPS Identifier）：

好喇，於是魔術師走去 Yahoo，設立了一個即棄式電郵，就算被盜都可以馬上 delete，不影響其他電郵的操作：

再去創傷網上銀行繼續設立轉數快，點知又要雙重認證，仲要魔術師填表，填完要交去分行！咁即係要等到周末先有得搞喇！

從創傷官網下載，竟然見到張要手寫的表格，真係可怒也！就連 editable PDF 都無，真係落後過特衰正苦！

結果，都係要回歸基本步：由美帝銀行轉數過去大貓，再由大貓發電子支票存入創傷銀行。
今次就可以用轉數快了。
大貓即係大貓，網上銀行在我城算是數一數二的好用，並且支援 FPS Identifier，啱哂魔術師呢類唔想用手機號碼與及電郵登記的：

第二步就係選擇要產生 FPS Identifier 的銀行戶口：

跟住就完成了：

返去大貓網上銀行的 FPS landing page 就可以見到 FPS Identifier 了：

只要在美帝銀行登記好受款戶口，轉數上限便可提升至１００萬（見《轉數快於我何有哉？》）：

確認之後便要輸入雙重認證碼：

＊＊＊
伸延閱讀：
魔術師資產配置（２０１８年１１月）
轉數快於我何有哉？