搞乜鬼無線上網

是咁的，魔術師其實也是一名低頭族，慣於午飯時間「智能手機送飯」，一面食飯，一面上網睇吓乜 sir 教人買樓做債基疊增，食住笑都唔知幾咁過癮。
點知，近期在某些商場午飯時，好多時都係上網不能，load 唔到網頁，明明在公司甚至在街上都無呢個問題...
細心一睇，原來係呢個 icon 作怪！

撳入 iPhone 個 settings 一睇，唔知點解竟然自動企圖 login 呢個乜鬼＋Ｘ哥的 hgc 無線網絡！

再按 details，就爆咗個畫面叫魔術師入 username 同 password！由於 login 唔到，結果就係魔術師上上下網 load 唔到的原因！

ＤＫＬＭ，邊有人知係條街或商場度某個免費無線網絡的 username 及 password 架？
又，個 iOS 唔通食咗Ｘ？乜唔係 set 咗 ask to join network 嘅咩？做乜問都唔問就同魔術師 join network？
要解救？好簡單，就係唔用 WiFi 就得了！

其實唔只商場，老麥都有呢種要 login 的無線網絡。魔術師就真係覺得嘥Ｑ氣，用得街邊的無線上網，稍有警覺性的都只係會做些消閒嘢，聽下歌睇下片睇下網頁咁，而唔會真係用呢啲阿公網絡去做銀行交易等牽涉敏感資料的舉動。所以魔術師覺得如果我城要搞智慧城市，容許市民大眾上網，大可提供 unsecured wireless network，順便訓練埋市民大眾分清楚幾時可以用公家網絡，幾時應該用私人網絡。
又，魔術師覺得最好的我城免費 unsecured wireless network，就係九巴車上的無線上網：

上網時間為１５分鐘一節，每個ＩＰ每日可以用上２節，fair enough：

只消按一按「接受條款」便可以搞定，都唔知幾方便。

不過，在巴士上網有一個弱點，就係唔係架架車有得上網。魔術師試過有一次，唔為意自己坐緊嗰架車係無 Wifi 的，但就可以照常按 login上網；不過，無幾耐就斷咗線（理所當然）。原因就係，魔術師按 login 時，架車停緊燈位，魔術師 login 的是隔離架巴士的 WiFi...