礦債幾時還

（幕開）
（平凡的住宅單位裡，一家人正在吃晚飯。）
（飯桌剛好坐夠四人，兩位長輩，與及兩名年青男女。）
（少女忽熱執住青年男子的手。）
女兒：（靦腆地）嗲地、媽咪，呢位係我成日同你地提起嘅...嘅好朋友，叫阿心。
心哥：（禮貌地）世伯、伯母你好！叫我阿心得嘞！
媽咪：（笑容滿面）啊，阿心呀！你住邊架？嚟呢度遠唔遠架？
心哥：（恭敬地）少少遠喇！我住屯門。
媽咪：（面色一沉）咁你可唔可以講俾伯母知，你依家係同屋企人住、定係自己住呀？
心哥：（輕撫着女友的小手，偷笑着）我係自己住嘅！
女兒：（輕啐了一聲）心！你咪笑得咁衰呀吓！
媽咪：（冷冷地）哦！咁係租定買架？
女兒：（不依地）媽咪呀！
心哥：（再輕輕拍了拍女友的手背）係租嘅...
媽咪：（大聲咳嗽起來）哎呀！我有啲唔舒服，想返房休息。爹地，你幫我招吓阿心喇吓！
爹地：（無言）...
女兒：（着急地）媽咪呀，你唔好咁喇！你等一等，我去斟杯熱水俾你飲，好好的食完呢餐飯好唔好？（唱）
「等　漸漸會成為好習慣
流連一番　無聊一番　等新出的襯衫
等　若是再能捱過多一晚
便會醫得好心內舊患　全憑愉快的晚餐」

（媽咪毫不理會，正欲起身離去。）
心哥：（輕鬆地）哦！？咁我都明嘅。租人屋始終要睇業主面色。世伯、伯母，如果阿 Yan 肯跟我的話，我沽返三幾層將軍澳樓，再問鄭司長佢肯唔肯割愛，畢竟我租緊佢呢間在青山公路的別墅小築嘅僭建仲未修復，要我接貨，都要俾返個筍價我吖！
（媽咪身軀一震，馬上坐回座位。）
媽咪：（聲音顫抖）阿...阿心，你...你話乜話？
心哥：（輕鬆地）哦，我係話，我係以租養租，用三五七層細價樓的租金，來供我租住鄭司長在屯門間獨立屋啫！（唱）
「高高在上　諸君看吧　朕之江山美好如畫!
登山踏霧　指天笑罵　捨我誰堪誇?!」

媽咪：（坐回座位）阿心，你咁年輕就咁有錢，你係做盛行架？
心哥：（柔聲）伯母，我出身清貧，現在呢幾千萬身家，都係憑我自己一雙手掙回來的，並唔係靠父幹。
媽咪：（奇怪地）阿心，我愈聽你把聲，就愈覺得熟悉。你係咪做過電台架？
心哥：（微笑）伯母你真係好聽力！我最初係靠跟我偶像，即係股神巴老大他炒股，賺來第一桶金；成了少年股神之後，我再去電台開咪。
媽咪：（恍然大悟）呀！原來你係「慾火撩心」！
阿 Yan：（害羞地）媽咪呀！人地食緊飯架！唔好講埋啲咁衰嘅嘢喇！
心哥：（謙虛地）阿 Yan，唔緊要喇，「慾火撩心」都只係個網名嚟啫。我有個行家，個網名叫「撚樣」，咪仲衰，哈哈...
（眾人附和着，乾笑了幾聲。）
心哥：（轉過話題，正色地）係呢，我早前入了幾間日本樓收租，都有唔錯回報，只係唔知嗰邊會唔會放寬移民政策，否則以我嘅投資額，同阿 Yan 搞個移民應該無問題。
阿 Yan：（害羞地）阿心，爹地同媽咪都響香港，佢地只係得我一粒女，我都點會走咗去唔理佢地呢？（唱）
「香港我心中的故鄉，這裡讓我生長，有我喜歡的親友共陽光。
路上人在跑趕呀趕，幹勁令我欣賞，這裡有許多好處沒法講。
說一聲香港，香港，你永遠是尋夢鄉。」

心哥：（安撫女友）阿 Yan，咁世伯伯母都可以先去嗰邊投資架嘛！（轉頭對伯母說）伯母，唔知你有無啲私己錢，可以鬆動的，我幫你搞手續買返層日本樓收租，咁就可以向財務自由邁出一大步！
父親：（乜斜着眼望向妻子）...
媽咪：（尷尬地）哎...講呢啲！來來來，阿心難得你咁有心，食隻雞脾先喇！
（媽咪馬上從碟中夾起一隻雞脾，放到心哥碗中。）
心哥：（夾起雞脾便咬）多謝伯母，咁我唔客氣喇！
阿 Yan：(接過雞脾，優雅地幫心哥撕開雞腿肉，再餵入他口中）心，你對我爹地媽咪真係好，不枉我咁愛你！（唱）
「愛情如熊火溫暖著我　情人好比心裡的一切
世界若要失光輝　但這點火永遠美麗
愛情如濃酒可醉掉我　情人今生不再可取替
每句話語　收於眼底　此刻跟你對望情難自制」

（心哥吃完雞腿，更輕輕地吮着女友那滿是雞油的指尖。）
阿 Yan：（酸軟地）嘻嘻！你咪咁喇！爹地媽咪睇住呀！
心哥：（拿起紙巾，幫女友抹手）係呢！伯母，如果你唔想買日本樓，不如 join 埋我地去參加虛擬貨幣採礦合約吖！十倨月回本，包你「三代無憂」。
（媽咪的眼睛亮了起來。）
媽咪：（以託孤的口吻）阿心，我地兩老得阿 Yan 一粒女，如果我地將份棺材本打俾你採礦，咁我地豈不是可以「四代無憂」？
心哥：（拍心口）咁都係架！不過，要世伯伯母連棺材本都出埋，未免...我怕我受唔起...（唱）
「悠悠心中癡意
源源不絕撫慰
只望可補償一切
明明用盡了努力
明明事事都不計
為什麼萬般癡心
都等如枉費
原來今生心債
償還不是一世
千代千生難估計」

媽咪：（將阿 Yan 推入心哥懷中）大家自己人，唔好講埋啲咁嘅衰嘢！事不宜遲，阿心阿 Yan，你地食完未，食飽就快啲入房玩電腦！
（心哥跟阿 Yan，相視而笑。）
（幕下）
＊＊＊
伸延閱讀：
公屋阿婆
香港網絡大典：女朋友帶你返屋企食

政黨收虛擬貨幣求助個案涉320萬 更新：2018/11/04 20:34

有政黨收到十二宗涉及投資虛擬貨幣的求助個案，款項逾三百二十萬元。投資者聲稱受到一名財經網絡紅人的誤導，指貨幣可於短時間內「爆升」，回報可令投資者三代無憂，於是借貸投資，最後嚴重虧蝕。
部份事主在民主黨協助下見記者，他們聲稱在 Facebook 看到曾任電台財經節目主持，網名「火燎森」的袁炳輝推介，稱簽合約、掘礦投資虛擬貨幣有高額收益，陳先生相信了，並投資了三十萬元，陳小姐亦因為一個「信」字，借貸投資三十萬元。
民主黨指近期收到最少十二宗有關雲端掘礦合約的投訴，涉款一萬至六十萬元，總額三百二十萬元。民主黨稱「火燎森」涉嫌誤導消費者，刻意隱瞞關鍵資訊、誇大回報，力推投資者到投資公司「天機科技」購入 HE15 雲端採礦合約，最少兩名投資者已經報警，警方暫時列作雜項事件處理。
有線電視記者曾聯絡「火燎森」，暫時未有回應。有投資者聲稱，被「天機科技」的職員游說借貸，稱回報高於利息，但無解釋合約條款。記者亦曾到天機科技了解，但辦公室沒有人。
證監會早前發出指引規管加密貨幣銷售，以及研究發牌規管交易平台。民主黨表示即使落實，仍然未能涵蓋涉及誤導等的市場失當行為，建議進一步擴闊規管範圍，以符合新興市場趨勢。

信報 2018年11月5日
紀曉風 獨眼香江
火燎森涉挖礦陷阱 苦主控訴魔鬼合約
近年不時發生涉及虛擬貨幣的投資陷阱。民主黨昨與多名苦主見記者，稱疑受原名袁炳輝的知名股評人「火燎森」慫恿，投資挖掘虛擬貨幣的「雲端挖礦合約」，涉及總額約320萬元，有事主指投資公司提供即時借貸，但收益未及聲稱的回報，更大跌99%，其中兩事主已報警。民主黨研究相關合約條款後稱疑涉「6宗罪」，包括誇大回報、涉失實陳述、忽視風險、沒披露利益、魔鬼合約條款及慫恿借貸。
民主黨財經政策副發言人袁海文歸納多位事主經歷，指各人疑受火燎森推介，今年5月初透過「天機科技」公司或在網上直接購入「HE15」雲端挖礦合約，回報為挖出的虛擬貨幣，在扣除交易費用、電費等成本，回本期約9至10個月，但大部分苦主現均無法如期獲回報，更須「填回」之前借貸的金額。袁海文謂應仍有不少苦主中招未求助，因該公司現場曾有不少人排隊簽約。
由日賺過千跌至僅數元
苦主阿青（化名）借20萬元購買挖礦合約，分兩年每月還1萬元，「我一上到（天機科技），對方已準備好財務借貸申請表。」他稱第一周每日有1000多元回報，之後急跌至每日僅數元，根本無法如職員推銷時所指10個月便回本。
另一苦主陳小姐（化名）同樣借20萬元，加上自己本金10萬元，購買挖礦合約；她說之前有朋友曾按火燎森推介，買日本樓成功回本，故相信友人推介才購買合約，惟她買了一周後，回報已急跌至每日7元；因借了20萬元，須打多份工還款，「日做夜做，朝6晚12，
好辛苦。」
本身是特許財經分析師的袁海文指出，火燎森涉嫌把投資雲端挖礦與虛擬貨幣相比，誇大投資挖礦回報，疑涉失實陳述，他表示，「火燎森的Facebook帖文稱『你呢一世、你下一代、仲有你嘅下下一代，呢三代嘅生活都會改變曬（晒）』」，惟挖礦涉及的風險如算法及挖礦機制變化、幣值下降、挖礦難度等，火燎森和涉事公司都未有詳細列明。他續批評，火燎森也無披露自己與兩公司有否任何利益關係。
揚言改變下下一代生活
身兼執業律師的民主黨黃大仙區議員沈運華稱，合約有條文要求事主放棄入稟法院追討及集體訴訟權利，就算有任何爭議也必須向英國仲裁機構提出，形容條款有如「一個局」，令事主難以追討損失。警方表示，灣仔警署本年9月1日接獲兩男女（35及56歲）報案，稱今年5月分別以約10萬元及約63萬元，向一間公司投資聲稱有高回報虛擬貨幣投資工具，惟沒有收到預期回報，暫無人被捕。

信報　2018年11月5日
紀曉風 獨眼香江
fb發帖稱無愧後速刪除
老紀昨致電火燎森，但一直無人接聽。據悉，昨午他曾在Facebook帖文疑回應事件，「三姑六婆左一句右一句就動搖咗你信心」，又指每盤生意都要有部署，直言「人嘅恐懼往往來自於自己想像」，又表示「做人問心無愧」，惟帖文出現約20分鐘後被刪。
「少年股神」理工畢業
有傳媒報道，涉事的「天機科技」由一家離岸公司全數持有。
2003年畢業於理工大學會計系的火燎森，曾說當年因效法偶像股神畢非德透過借貸買入股票大賺，2007年身家累計達1000萬元，被捧為「少年股神」，後曾任商台財經節目主持及出書，去年起在Facebook推介虛擬貨幣雲端礦場合約。

信報　2018年11月2日 時事脈搏
日擬擴大接納外勞 料明年4月起實施
日本政府內閣通過擴大接納外籍勞動者法案，緩解國內人力資源短缺問題，包括建築、護理、酒店、農業等14個行業，政府考慮在臨時國會期間正式通過修正案，並於明年4月1日起施行。
新修正案將設兩種在留資格，分為從事需要一定技能的工作和從事需要熟練技能的工作。前者居留期限僅5年，不允許攜家屬；後者居留期限可更新，並允許攜家屬，此外，外國人技能實習生，亦可申請過渡為新居留資格。
法案規定外國人的報酬，須同從事相同工作的日本人等同或以上水平，並允許在可就業領域中轉工，政府又規定僱主須確保住所、日語教育等計劃，為外勞的穩定生活提供支援。
法務大臣山下貴司在內閣會議後的記者會上表示，修改法律是當務之急，希望在本屆國會期間獲得通過，又表示一旦人手緊缺問題得以解決，將停止在相關申請。
有分析指，這項法案事實上就是移民政策，預計將有大量外國人以勞動者身份進入日本，令日本社會面貌發生很大變化。