阿茂整餅屋

新婚夫婦買入８５０呎南區兩房豪宅，仲用成球嘢裝潢添。主持人話類似單位５月份成交價呎價約為３４,０００，應該勁過弊少間所謂西貢村屋獨立屋，好心班妄民信徒就唔好好似未見過大蛇屙尿咁先得架（３４：５０—４７：００）：

樓盤傳真 2018/12/01 2018/12/01 23:29

屯門菁雋，細通全港、亦貴通全區，最細開則 128 呎，大致等同住在一個貨車貨斗內，向下挑戰人體活動空間之極限！無視樓價正在下跌，市區重現八、九成按保門檻的上車盤源，打開銀碼「坐五、望四、甚至見三字頭」的缺口。
新居屋結果終於揭曉，向隅申請者開始投入居二市場，其中一個熱門區份就是將軍澳。對於白表客，是否會回流私人市場則成疑。
新地西半山「巴丙頓山」年初開售，由於入場門檻高，令銷情緩慢。其實樓盤開則，已為投資者設想，可靈活改成套房，方便分租。
位於淺水灣道 37 號的單位，最大特色是有兩扇弧形窗，是特色亦是設計局限。

此屋景觀甚佳，左青龍右白虎環抱兜收，海灣水流寧靜，間有船隻行過，為聚水格局；不過可能男女戶主都唔信風水玄學，男主人要粗獷（！）設計，女主人就要高貴 decent，於是設計Ｃ又要負責搞到間屋古靈精怪：

由於倆小口無工人姐姐，於是設計Ｃ便由工人房着手，將之拆去，換來的是開放式廚房、擴大了可以客套兩用的主次、與及衣帽間、衣妝間等（左上、右上）。客廳因為要遷就景觀，於是梳化位就對住個窗（左中）；為免男女主人成日坐起梳化望住個海，眼定定望得多會變精神病，設計Ｃ於人又將電視牆整到可以旋轉，可以擰出嚟對正梳化，旋轉櫃側仲可以擺啲小擺設（右中）。真係豪宅當成係納米樓裝潢，整咁多機關都唔知做乜，只會多隻香爐多隻鬼，旋轉櫃個鉸咗都唔知點算。梳化背後係仿皮湖水藍色牆紙配黑鋼框邊加滲燈，十分型格云云（左下）。客廳隔離的走廊位有暗門，是主人房的出入口（右下）。

主人房睡床都算正常，係床頭張几仔簡陋咗少少（左上），其他企身大櫃（右上）同埋天花盒仔燈、滲燈（左中）等都係一般，之不只一般唔現玩嘢就係最好，simple is the best。主人房有門通往主次（右中），以黑色右材打造岩石 feel，沐浴間淋浴浸浴兼備，洗臉面亦是訂製夠兩人用，但馬桶卻無整到兩個（左下）。主次可以通住衣帽間，然後出返飯廳，此之謂「客套兩用」（右下）；但係好地地一間豪宅，點解要搞埋啲咁嘢呢？

衣帽間以金鋼設計，加埋射燈效果，正好俾女主人用來哂包包（左上）。衣帽間對出係化妝枱（右上），日間可見窗外翠綠山巒景緻，景觀都算無得頂（左下）；之但係，設計Ｃ竟然在化妝間側邊擺咗層層疊的洗衣乾衣機（右下），十分煞風景，查實使唔使咁「善用空間」呀？

返出去開放式廚房，爐頭對出就係有如茶餐廳二人卡坐的飯枱，旁邊牆身仲要偷空懶係嘢咁擺幾枝酒係度（左上、右上）；「茶餐廳飯枱」仲可以有機關拉長，真係好聽就叫「骨子」，唔好聽就叫「寒酸」（左中）。廚櫃伸延到大門邊變成鞋櫃（右中）。客房無裝潢，留返第日俾戶主生ＢＢ用（左下），但客房在屋的另一角，同主人房相隔甚遠，如何照顧？唔使驚！雖然主持人話無工人房，但有客次（右下）囉！