片片楓葉情

話時話，前妹頭組的心腹手下Ｓ太，都係在早年移民了楓葉國，然後回流我城搵食，但又對楓葉國念念不忘，準備退休後返去養老（好似拉三打四價值大師都係一樣）。乜楓葉國真係咁多住嘅咩（３５：４５—４６：０５）？

樓盤傳真 2018/12/08 2018/12/08 23:21

大發展商終於低頭，由信和牽頭開出觀塘凱滙，呎價約 17,387 元，相比東九龍新盤低百分之十至二十，開則亦走正常化路線，市場期待此壓軸大盤帶領樓市由谷底回穩。至於凱滙所在的觀塘市中心重建計劃，商業部份仍未收地，綜合發展大計暫只屬期票一張！
一手樓市不再開出高溢價，而是貼近二手，買家可以在一、二手之間游走，不介意樓齡的話，更可以進駐名校網、傳統高尚住宅區。
將軍澳南藍塘傲入伙，屬區內地價最高項目，發商之一是郭炳湘創立的帝國集團，買家將質素視之如新地樓，實情質素是否相似？
從加國回流香港二十二年，對加國環境念念不忘，待女兒出嫁，一於把家居大翻新，重拾加國情懷。

呢位周太，成個 look 都好鬼藍血，梗係要住巷島，唔會諗去大欖買間獨立屋同鄭司長做趁鄰居喇。如今趁阿女出嫁，便急急腳搵返個做得自己阿女的妹妹仔設計Ｃ搞搞間屋了！

妹妹仔設計Ｃ竟然將衣帽間設在一入門口的客房（左上、右上）。櫃門以鏡面設計，又加升高地台，未免有啲寒酸（左中、右中）。揭開地台的最低一級竟然係鞋櫃，冚返埋鋪上軟墊就可以坐上去換鞋（咁麻煩！）；張軟墊坐蝕咗坐爛咗都唔知點算（左下、右下）：

妹妹仔設計Ｃ將廚房改成開放式（左上），但係廚房離飯廳都幾遠（右上）。廚房內藏大型雪櫃和蒸焗爐等，周生周太兩公婆加埋工人姐姐睇怕都用唔哂（左下）。廚房牆壁用楓葉瓦仔砌成，讓周太一面煮食（工人姐姐可以坐埋一邊），一面懷緬在楓葉國眼光光數手指的日子（右下）：

客廳除咗要有飾物櫃展示周太的琉璃古玩（左上），自稱好貪靚嘅周太就話就咁油灰水係唔能夠接受嘅，仲話要妹妹仔設計Ｃ陪佢揀牆紙，結果又係揀咗楓葉紋的（右上）。藍血人就最扮嘢同埋奄尖夾聲悶，妹妹仔設計Ｃ要做佢生意真係唔容易。梳化背的矮櫃內藏懶係藍血的米式 high tea 杯碟（左中）。妹妹仔設計Ｃ將飯廳與工人房之間的牆壁拆去，以櫃來分隔（右中），記者仔身後的就是通往工人房的暗門（左下）。記者仔身後就是通往工人房的暗門。呢間工人房係由女房改建而成，係塞內設計系列中最豪華嘅，有衣櫃仲有書枱添（右下），足證真・藍血人為免有乏身份，係唔會虧待工人姐姐的。

主人房門亦是以間門設計（左上），綠色企身櫃配以金色條子，有點兒老土（右上）。轉彎入到房，係兩張單人床，明顯周生係要匿係被窩內打ＪＪ（左中）。床頭板設有燈槽，窗台又係整咗櫃，不過一直俾太陽哂住，好易會變色（右中）。主人套次門竟然有手柄，入到去企缸有張凳仔同防滑氈，睇嚟周生行動可能有啲不便（咁仲要分床訓？）...

＊＊＊
伸延欣賞：