Low tech 公主屋

魔術師真係唔明，點解我城班中剷咁鍾意將女兒當成係「小公主」？大佬呀，只有皇帝囡先係「公主」，你班中剷只係打工仔、樓奴、工資奴，唔好當自己係打工皇帝先得架（３６：３３—４６：１８）！

樓盤傳真 2018/11/24 2018/11/24 23:11

逆市奇葩有「白居二」市場，十月中開始陸續投入市場，有關買賣以數倍增長，預期十一月底新一期居屋攪珠後，將有一批落空的申請人回流居二市場。惟免補地價買入居二單位，須留意折扣率多少？折算市值是否有溢價？ 而且居二屋苑普遍有一定樓齡，未必如願，做足二十五年及百分之九十按揭！
東涌東堤灣畔八百呎單位，分間七房出租，業主租金收入大增。在樓價和租金高企的香港，這些單位是否會很渴市？業主及租客有何要留意？
長實馬鞍山星漣海入伙，驗樓得七十八分，區內仍有四個新盤，超過一千二百伙相繼落成，居住環境愈住愈密。
六年前倉卒入伙，至今雜物堆積，在換樓前希望簡單裝修，處理雜物，同時又要迎合家中兩位小公主的喜好。

戶主六年前一手買入大圍溱岸８號，無乜裝潢過便搬入，依家雜物愈來愈多要搵設計Ｃ執吓間屋；不過，為咗方便日後換樓，戶主唔想改間隔，就連廚廁都唔使執，所以就唔會搵鎢絲 sir 了：

由於唔改間隔，只係訂製傢私，那就好易辦。大門不合風水法度，開大細邊，意味着男主人會有個小三，尤幸設計Ｃ將細門用櫃封住，小三入不到門。櫃身由玄關通往客廳，再在客廳造電視櫃，將其中一個客房升高地台改成書房，咁就完成咗一半（左上、右上）。其中近玄關的企身櫃都用來作為鞋櫃之用，真係唔明一家四口點會有咁多鞋（左中）；門旁有個箱仔，用來「留低鎖匙」，意味着大門唔係用電子門鎖，十分 low tech（右中）。廚廁保持原裝交樓標準，不過不失（左下、右下）：

打開大門，一望空闊，由飯廳直穿出露台（左上）。在客廳梳化背靠的牆上，設計Ｃ造咗幾個層架，用來放相架同硬照，一副公主相（右上）。電視櫃造圓角，慎防小公主撼親頭（左中）。電視櫃伸延開去的層架就擺男女戶主的相架，一樣係唔用電子相架，延續 low tech 風格（右中）。飯枱後企新櫃，櫃下方放鋼琴（左下）；另一邊櫃身偷空，又係放相架，打開櫃門就一箱二箱雜物同玩具，櫃身仲附設黑板俾小公主畫兒童畫，但企到去設計師頭咁高畫畫，實在好危險（右下）！

設計師在走廊與廳中設一道門，可以隔音，話男戶主玩音響（有咩？）時唔怕嘈親小公主訓晏覺（左上、右上）。走廊有壁佈板，用上貼上小公主的畫作（左下）。客房升高地台，另設大型企身櫃儲物，與及用窗台做書枱（右下）：

主人房設計甚齋，只係床頭油藍色，明顯啲心機都用哂來服侍小公主；設計Ｃ並示範，小公主有時會來主人房跟媽媽訓，男戶主便可以在設計Ｃ所站的地方打地鋪（左上）；主人套廁和甚為狹窄的衣帽間都不變（右上、左中）。最後就係主公主的閏房，睡床呈９０度以上下格床設計（右中），讀稿把聲都幾 pure 幾 cute 嘅記者妹仲話女戶主有時又會走來跟囡囡一齊訓，咁男戶主就可以霸哂間主人房打ＪＪ了。公主房以粉紅色作主調，再貼上波波點牆紙，搞到好似幼稚園咁（左下、右下），下手買家九成九唔啱用，梗係唔好豪裝喇！