「政治冷感」
如果在銀河聯邦的末期，市民們沒有對政治感到厭倦的話；如果他們注意到，給予一個人無限制的權力是一件多危險的事；如果人們可以從過去的歷史中學到國家的權威先於市民的權利的政治體制是會造成多少人的不幸的話，人類就可以用較少的犧牲和負擔，更早實現比較中庸和調和的政治體制了。「政治與我們無關」這一句話就是剝奪發言者的權利的宣告。政治一定地蔑視它的人進行報復的。如果有一點點的想象力就應該可以了解這一點的。銀河英雄傳說 落日篇 第十章 夢的盡頭消費模式
魔術師係絕少北上消費的．
投資模式
魔術師既主動投資組合絕不沾手中資股，所以響近年既IPO潮中賺少左好多．
而被動投資組合則因為要遵守程式規定，無可避免地會有可能投資到中資股份．
捐款模式
魔術師既慈善捐款，第一唔捐俾中大，第二唔捐返上去．
工作模式
有可能既話，魔術師都唔會返上去工作．
2007/06/04 16:36:15
魔術哥哥：
回覆刪除冷感 vs 熱情 ...
雖然四個模式似乎都有個共通點，不過，小弟比多個你揀：互動模式。
有冇諗過認識一下佢地d人？
（嗯，查實關於中大件事，小弟d感受原來同你好似幾相似...）
C.M.:
回覆刪除我關心政治的方法,並唔係去示威遊行靜坐,而係去做一d應做之事
去唔去都唔緊要,只係大家選擇用唔同方法去表達.
回覆刪除"魔術師既慈善捐款，第一唔捐俾中大，第二唔捐返上去"
回覆刪除唔捐俾中大唔緊要，香港仲有愈來愈多既大學。 不過你究竟有無曾經捐過錢俾任何本地大學呢？ 唔係講一百幾十果d或者幾十蚊買籌款電影晚會果種喎！
睇完你既留言，我忽然醒起我呢幾年捐錢 (近幾年我培養緊自己既捐錢文化) 時居然從來無考慮過母校。 係時候物質上支持下母校了！
我有捐過$5000返理大,果度係我拿到第一個碩士學位的學校.
回覆刪除捐$5000係有證書同一舊刻左我名既磚,證書同磚頭相片都寄左去我屋企.
你話,我part-time讀左兩年半既理大我都捐$5000,如果我真係有心去捐俾中大,一定唔會捐得俾呢個數少.
咁你係咪中大人先？ 你唔係中大人的話，骨子裡就算中大有無做過你唔喜歡既事，你大概都唔會無啦啦捐錢俾佢啦。 我都夠膽講句我斗零都唔會捐俾理大，因為我同佢全無關係可言。
回覆刪除但如果你係中大人的話，我又會好奇想知點解你會有宜家既諗法呢？
HK$5,000 有塊磚抵晒啦，我捐多過五千蚊，但得到既只係更多既勸捐信，哈。
講開又記起,係前年理大叫我捐款,我就捐左千幾蚊;舊年佢地又問我,我咪捐左5000;今年前排佢又黎問,絡果我reject左,唔好好似我欠左佢地咁先得架!
回覆刪除至於中大,我四年本科同MBA都係讀中大巴既,仲住過四年宿舍添.
我唔捐返去係因為而家既學生not behave properly:
1. 新亞桑拿
2. 情色版
我睇到既係一班飽受性壓抑而經常要將性掛在口邊或以之作賣點既學生,而且係一貫地認為「我無錯」便去做,死不認錯既人.
3. 學生報粗口(諧音)標題加「道德高地」一文洋洋千字的辯詞
人地港大就貴族傳統,中大就刻意將自己爛仔化草根化,根住仲有數千字用「語境」作辯護,盡顯思想方法同語理分析既「功力」.
學語理分析用來作呢類饒舌之詞,真係唔學好過.
4. 中環價值踩場
校友會同校方作討論,並無邀請學生參與(學生有另外的場合表達意見).結果又係學生代表強硬闖進會場吵鬧,行為與長毛無異.某銀行高層校友以「你地以後唔使旨意響中環返工」作威嚇,結果學生又話佢以大欺小,自己被強權壓逼云云.學生同時又體現了認為「我無錯」便去做,不理他人感受的傳統.
5. 我曾在中大新聞組貼出老父畫作當sharing,結果得到一d刻薄的批評,仲話我「硬膠」添.
呢個擺明係私怨.最大既問題係如果佢地自己可以肆意地傷害他人感受,甚至對老人家作一些尖刻既批評既時候,我睇唔到有乜理由去話淫嬸或者銀行高層係壓迫佢地.唔通真係自己話自己「無錯」就大哂?自由係咁用既咩?
我就真係找不到理由去捐款幫一間學校去培養出一班濫用自由,嚴以責人寬以待己,口舌便給滿嘴歪理,又常以弱者自居既人啦.
我同你既想法有多少唔同。
回覆刪除1) 首先，我唔認為睇到個別學生既行為 (e.g. 你所引述既例子) 就等於睇晒該校所有學生既主流價值觀。 須知道 新亞桑拿 及 情色版 等事件都是由校內同學的不滿開始而公諸於世的。 你看到的是主事者的行為準則 (而你深感失望)，我看到的是中大仍是一個能吸引頂尖、多元化學生的大學； 雖然個別的同學的行為標準我們未必認同、某些群體的水平可能比我們就讀時稍遜，但我看到的是我們的師弟妹並不全是一些只懂打機、拍拖、hea、對社會/校園事務盲目的頹廢青年； 當中有人能幹出一些具爭議性的事情，而另外一些亦敢於對自己看不過眼的事情出聲。 其他大學無這些新聞唔代表佢地無類似問題，可能無人嘈，更甚者可能係d學生太頹，主流都是一些 hea 人而已 (我近年在公司見過唔少某兩間大學的煙腸，相當部份人的頹廢/不積極程度令我嚇一跳)。
2) 如果母校仍然有值得我們支持和鼓勵的師弟妹，我們都應該考慮支持。 我支持既係有正確價值觀既積極年青人，我唔會因為佢地既同學有問題而懲罰埋佢地。 你認為全 CU 的學生都不值得支持和鼓勵嗎？
我認同信報月刊的排名調查，相當部份的師弟妹的表現仍是很有口碑的！
我對你在中大新聞組的遭遇深表同情，但由於不了解事情的經過，所以就不便置評了。 不過，就個人觀感而言，你有較強及較獨特的性格，在一些喜歡爭拗的新聞組都應該會幾忙； 咁樣可能會影響健康，慎之。
就咁
回覆刪除1. 同意唔應該一竹竿打沉一船人，因為我知道中大的同學好多元化；
2. 桑拿同校報事件，是品味問題，唔係道德問題；靚仔靚妹，低級趣味好正常，well，品味，係要培養架嘛；
3. 性，成鬼日都比人拎黎當笑話架啦，你之前提過有人將上場講錯左做上床你都哈哈大笑啦（拿拿拿，我講緊桑拿當笑話丫下，仲有，一般來說，我唔會覺得人將上場講錯左做上床好好笑囉，我中學時，有一朝早會announcement，有個prefect 將壁報版講左做壁報餅，咁先，好笑囉）；
4. 中大地靈，資源豐富，是培養品味的好地方；
5. 我信中大人，代代出色
不過呢，捐款，係好個人的選擇