五首歌曲

受五師兄感召之下，魔術師也來湊一湊趣，題目係「五首對我最有紀念價值的英文歌」．
第一位：必然正選
唔使多講，一定係呢隻．Susan Wong版係近年聽過最好既版本，Nat King Cole版雖然都很好，但係魔術師就係buy果種少女情懷．
話說呢隻歌亦被某財富管理機構選作廣告歌，又係女聲版，但個人感覺始終不及Susan.


第二位：兩大可樂
魔術師第一隻有印象既係 I'd like to teach the world to sing

原來仲有廿周年版，由當年既演員帶同小朋友出席

但係印象最深既都係娜姐既 Like a Prayer（呢隻係百事主題曲）．呢隻歌係當年魔術師第一首單憑listening聽返ｄ歌詞出來學唱既歌．

第三位：自閉青年
當年係中大住宿，房中無電視，又玩自閉唔想出 common room 睇，結果便養成聽收音機既習慣．其中發覺商台既caption中的背景音樂實在動聽，遍尋之下才發現是 Roxette 的 Listen to Your Heart.自此，魔術師亦成了 Roxette 的歌迷．

第四位: 喇叭書院
年前買了喇叭書院 DVD 回家看，竟然看到老父眉飛色舞，實在始料不及．其中最好笑的一幕便是捉野豬既呢一幕：

第五位：深切治療
當年老父留院半年，其中成日係係收音機聽到既，就係林憶蓮既「激情」．有一日老父話呢隻歌既英文原版仲好聽（雖則佢唔識聽英文歌），但係魔術師都去搵左一輪，先買到 Top Gun 既 Soundtrack 卡式帶，裡面裝載既，係老父在鬼門關前徘徊既回憶．

2007/06/09 13:40:27