朝桁晚拆屋

江山易改，本性難移，屋主可以住到間屋亂過亂葬岡，就算俾個和式簡漯設計佢，睇怕都唔捱得幾多個月（３５：０６ — ４７：２０）：

樓盤傳真 2018/07/21 2018/07/21 23:00

踏入租務旺季，租金持續創新高，業主如果可以一次過、收取全年租金套現、作其他用途或投資，而且免除期間租客欠租風險，是否吸引? 享用有關融資方法，託管公司收費為租金收入的10%，市面還有其他收費較低的選擇，不妨比較一下。
本新盤二手鬆綁期，遇著同區新盤入伙潮。租務回報即將波動，係咪會同時引?投資客?放盤潮？去三年樓齡、荃灣西?環宇海灣睇樓。
連場大雨之下，大埔白石角「?玥．天賦海灣」，有租客飽受漏水問題困擾。單位一手買入後一直丟空兩、三年，從未執漏，租客、業主可怎樣追討？
屯門兆軒苑，一家三口雜物堆滿屋，幾乎沒有路可走，設計橫跨睡房至客廳都是地台，加上日式簡約風格，一改雜亂感覺。

兆軒苑於１９９１年入伙，其實係建生邨的一部份，只係當年被房委會將公屋轉為居屋出售而已（實質意義上，同現時的綠置居無分別）；主持話。想來戶主都是公屋戶，一啲都唔錫住間屋，住到好似亂葬岡咁。但唔好理間屋有幾亂，２７年過去，間居屋現時自由市場價為３６０萬，折扣率為２１％，補地價後實收２８４萬，結果就係高不成低不就，賣咗自住居屋轉私樓咩？隨時連納米樓的首期都俾唔起，所以寧願搞裝潢，順便執埋屋算了：

成身紋身的公仔佬設計師將原則房間的牆拆去，改以磨砂玻璃趟門分隔，諗住全屋得一個窗，可以通透啲，但就搞到對大門同窗對穿，扑嘢時亦容易俾人睇見身影，不合風水法度。廚房拆牆改成開放式，又將次所的門由原來的向廳改為向廚房，亦不合風水法度（左上、右上）。由於客廳升高了地台，於是便索性連沙發已省去，一家人不用爭沙發，只需擺幾個咕𠱸、鋪塊地布便席地而坐睇電視（左中、右中）。地台儲物空間頗深，啲嘢要拎出拎入都幾辛苦（左下）。客廳隔離的次廁則甚為樸素，無甚可評（右下）：

睡房延續地台設計。公仔佬設計師將窗戶改成大窗，係就係難抹啲，但景觀開揚，採光度亦佳（左上）。床尾係大型衣櫃（右上），竟然藏有小型燙衫版，想置換都幾麻煩（左中）；衣櫃內有輕觸式光源（右中），大嘅整唔到，唯有在細眉細眼處着手加啲貼心設計。因為戶主一家三口，故此在主人床和衣櫃之間加張反床，並由公仔佬設計師親自示範朝桁晚拆（左下、右下）。唔知係俾阿仔訓定老公訓，但扑嘢就肯定極不方便，甚至乎房中各中要起身走動痌夜尿都要小心腳步，唔好差錯腳踩在罅隙中拗柴，甚至乎踩到睡在反床上的人。朝早開衣櫃拎衫又係要收起反床，開地台櫃拎嘢又係要收起反床...ＫＬＭ，如果反床個較壞咗就真係大檸樂：

大門旁裝有椅子，椅下中空可以放鞋，靠背係磁石板，可以當實體 Instagram 用，其餘牆身都用來做櫃，客廳地台前仲有紅酒櫃添（左上）。開放式廚房盡頭可以放洗衣機（右上），然後就見到雪櫃同焗爐（真係咁多人鍾意焗嘢？）等；廚櫃係以拉籃設計，拎嘢不用擒高擒低（左中、右中）。飯枱可以由廚房工作台拉出來，公仔佬設計師又再親身示範俾記者妹睇，仲話可以坐係換鞋張椅度食飯添（左下、右下）。魔術師仲留意到，電視機都可以拉過嚟面向飯枱，咁就可以睇住ＣＣＴＶＢ膠劇送飯矣！

成間屋懶係多機關咁，但成日都搬來搬去；唔好話戶主，俾着魔術師都無心機日日又開又收，肯定好快就會回復混亂凌亂的舊觀！
＊＊＊
伸延閱讀：
維基百科：建生邨
無夜尿之屋