住細樓，養番狗

無孩夫婦唔使玩起跑線遊戲，照計比一般家庭會較容易達至財務自由，因乜解救仲係要住到咁逼狹（３６：４８—４６：３２）！

樓盤傳真 2018/07/14 2018/07/14 23:25

林鄭新房策之後，首批一共三個新盤同時收票及賣樓，多個一手盤亦加碼，提供按揭及付款辦法催谷客源，成效如何？聲稱投資者比例高達一半的迷你則新盤、大圍的珀玥，實際銷情又合符預期嗎？ 
在新盤重貨區放售二手樓，究竟會受帶旺還是比下去？今集到大埔白石角看一個入伙兩年半的逸瓏灣單位，看看怎與一手市場較量。 
市區新盤大多受噪音問題困擾，會德豐何文田 ONE HOMANTIN 採用透明隔音鰭，阻隔噪音同時透視景觀。另請來律師講解，當物業的業權人不是供款人，誰才是真正業主？ 
夫婦居於沙田濱景花園 23 年，雜物堆積如山。決心採用簡潔設計，把雜物收藏妥當之餘，夫婦與愛犬各有小天地。
４００呎都唔夠嘅單位，兩夫婦竟然可以住２３年，真係難以想像點解唔搬大啲，又可以住得舒服啲？

唔知點解原來的走廊位係設計師嘅天敵（左上），一定要將周邊房間牆身拆去，兩房變一房，將走廊空間納入睡房先至叫能夠「善用空間」（右上）；其實乜唔係有條走廊分隔先至叫壁壘分明咩？主人房升高地台儲物（左中），以天花板的盒仔燈與及床頭板的燈槽作照明，床頭仲有個十字架，扑嘢都係主能嘅主睇住（右中）。客房化身工作間，造了電腦枱之餘，後面的衣櫃就是用來放狗仔的衣服（右下）：

睡房以暗門跟客廳連接，設計師又以高身櫃代替實心牆做間隔（左上），被梳化阻住的位置不是櫃門，真正的櫃門設在工作間，櫃內間隔可以用來放拖喼（右上），以防屋主唔去旅行會死（隻狗仔點算？）。返回客飯廳，飯枱本來係兩人座，但亦可擴展至四人（左中、右中），機關多多懶骨子其實就係小器。客飯廳另一邊的櫃身中間偷空，用來放擺設，其中有狗仔的肉麻玉照（左下）。屋主嘅信主，又信風水，無啦啦叫設計師整個不規則的燈槽，自製橫樑壓頂，目的就是用來放沒有影到的風水擺設（右下）

設計師將原來的廚房門由原來的偏左的位置改為置中（左上、右上），騰出空間兩邊造廚櫃，爐頭亦改為對窗（左中）。全屋無晾衫位，唯有靠次所的浴室寶負責（左中），但２３年來，無浴室寶的日子真係唔知點算？次所的鏡櫃放滿中女主人的化妝品（左下）。馬桶附有電動廁板，以前的浴缸改為企缸，騰出空間放部好鬼公屋 feel 的揭蓋式洗衣機，可以洗完衫順便晾埋，但掛勾在哪裡就不得而知（右下）：

魔術師最討厭嘅就係啲中剷將寵物當成人咁去打扮，仲要俾衫着同佢地扮靚靚。睇怕全屋都無預留地方做狗竇，睇怕都係要隻狗仔同主人一齊訓；加上主持話狗仔最喜歡在豆腐潤咁大的屋內走來走去，即係主人連每日溜狗都懶，呢間屋應該好快又亂成一圍的了。
＊＊＊
伸延閱讀：

（圖片來源：《建築師妙手旺宅》蔣匡文編著　２０１３年７月第一次印刷　萬里機構出版）