人生勝利屋

嘩！今次出場嘅係個青春可人，但滿口懶音的妹妹仔設計師，驟眼睇落去，真係同記者妹無分別，但設計費就收１０萬，係靚太設計師嘅３.３倍（３６：２０—４６：２５）！

樓盤傳真 2018/08/04 2018/08/04 23:07

舊樓林立、人口密集，是旺角、油麻地一大特色。市建局正就這區進行為期兩年的規劃研究，放寬高度限制，以及地積比率，是否有助市區可持續發展？
南區．左岸相連單位，打通可變成超過 3,600 呎、八房四套超大豪宅，叫價 1.6 億元。業主以公司名義轉讓，以節省買家稅項支出，是最大賣點。
位於紅磡樓齡超過六十年的三無大廈，公家天台被人侵佔，業主求助政府部份皆表示無能為力，律師指唯有入稟申請禁制令，但花費具大。
西環寶翠園，校網因素特別吸引家長客，業主一家四口搬入 1,200 呎單位，希望設計有家的溫馨感覺。

戶主夫婦加埋一對仔女同埋工人姐姐，住在這個在去年以２,８００萬買入的豪宅，足證贏在起跑線傷民不在少數：

原來圖則係鑽石型屋（左），裝潢設計主要有三個改動，分別就係廚房、客廳、與及書房，其餘只屬小修小補，例如門口櫃預留坐墊、鏡面以供記者妹換鞋及整理儀容之用（右）：

本案就連廚房都係鑽石型（左上），於是妹妹仔設計師便將斜牆拆去，改開放式，工人房保留合理大小，算是有良心的戶主（右上）。改動後天花以筒燈照明，牆身為雲石面（左下），配合返張雲石餐枱，grand 得嚟又唔土豪；不過衰就衰在盞金色吊燈，土豪 feel 都只係其次，最怕就係用耐咗鍍金會氧化變啞（右下）：

客廳當然亦呈鑽石型（左上），於是妹妹仔設計師便以條子屏風加長牆身（右上），拉直了客廳但又沒有加長了走廊（左中）。客廳中有大櫃放書（右中），而條子屏風後係子女的讀書區，可以讓一對仔女匿係個尖角度睇書，又可以在條子之間與父母玩偷偷看（左下、右下）：

原來的書房窗面向天井（左上），有窗都要長關，於是妹妹仔設計師便將牆身拆去，改為玻璃牆身與及趟門（右上），令走廊在視覺上縮短，自我感覺良好（左下），而且爹地媽咪又可以監視到阿仔有無掛住睇ＡＶ唔做功課（右下）：

阿仔間房（左上）同阿女間房（右上）設計都絛無乜分別，都係咁樸素，一張書枱一個衣櫃咁，簡簡單單。主人房造了好多櫃，並以花線設計以顯歐式風格（左中）；窗台都有櫃桶（右中），並附梳妝枱乙張（左下）。客廁又係平實到一個點（右下）：

咁就１４２萬？唔通男戶主俾妹妹仔設計師狂灌迷湯，糊里糊塗下咁就簽咗單？